“Ўзбекистон темир йўллари” Давлат Акциядорлик Темир Йўл Компанияси 1994 йил 7 ноябрда Ўзбекистон Республикаси худудида жойлашган собиқ Ўрта Осиё темир йўллари негизида ташкил этилган. Компаниянинг асосий йўллариниг умумий узунлиги бугунги кунда 3645 киломтерга яқинни ташкил этади.  Компанияда 54,7 мингдан зиёд киши ишлайди. Компаниянинг йиллик юк айланмаси барча турдаги транспорт юк айланмасининг 90% га яқинини ташкил этади.

Ҳозирги кунда компания структураси тубдан ислоҳ қилинмоқда. Асосий эътибор алоҳида соҳаларни  давлат тасарруфидан чиқариш ва хусусийлаштиришга қаратилмоқда.

Компания фаолиятининг асосий йўналишлари қуйидагилар:

• темир йўл бўйлаб юкларни экспедициялаш ва етказиб бериш;
• темир йўл вагонларини таъмирлаш ва техник хизмат кўрсатиш;
• пассажирларни, туристларни ташиш;
• локомотив ва вагон паркини янгилаш, хизмат кўрсатиш.

Компания учун устувор йўналиш қуйидаги инвестицион лойиҳаларни амалга ошириш ҳисобланади:

• толали-оптик  тармоқларни қўллаш билан алоқа каналларини мустаҳкамлаш;
• янги ҳаракатланувчи составни (электровозлар ва вагонлар) сотиб олиш, шунингдек борини модерниациялаш;
• янги темир йўлларни қуриш;
• темир йўлларни электрификациялаш;
• йўлларни капитал таъмирлаш лойиҳаларини амалга ошириш, компания заводларида йўлнинг юқори қурилмаси элементларини, эҳтиёт қисмларни ва ҳ.к.ларни ишлаб чиқаришни ташкил этиш.

Компания инвестицион қўллаб-қувватлашга мухтож бўлган ва амалга ошган тақдирда инвесторга катта даромад келтиришга умид бағишловчи бир нечта лойиҳага эга. “Ўзбекистон темир йўллари” ДАТЙК 1993 йилдан бошлаб темир йўллар ҳамдўстлиги Ташкилотига (ОСЖД) аъзо. Компания халқаро темир йўллар уюшмаси (МСЖД) ва Осиё-Тинч океани минтақаси учун БМТнинг Иқтисодий комиссияси (ЭСКАТО) билан яқиндан алоқа ўрнатган. ДАТЙК  Европа Иттифоқи Комиссиясининг ТАСИС дастурининг ТРАСЕКА (Европа-Кавказ-Осиё транспорт коридори) лойиҳаси бўйича қўшма иш олиб бормоқда.