Ўтган ҳафта Ўзбекистон ташқи иқтисодий фаолият Миллий банки ҳамда Хитой Халқ Республикасининг «Эксимбанк» банки ўртасида 11 та юк электровозини етказиб бериш бўйича битим имзоланди.

Истиқлол сабаб, аждодларимизнинг келажак авлодлар маънавиятини юксалтириш, халқимизнинг шаъни, ор-номусини улуғлаш йўлидаги сайъ-ҳаракатлари муносиб қадр топди. Президентимиз таъбири билан айтганда, ўз тарихини билмайдиган, кечаги кунини унутган миллатнинг келажаги йўқ.

Тошкент темир йўл муҳандислари институти талаба-қизлари “Қизлар давраси” кўрик-танловининг саралаш босқичи доирасида беллашдилар. Ўзбекистон Қизил ярим ой жамияти темир йўл минтақавий ташкилоти, Тошкент темир йўл муҳандислари институти хотин-қизлар қўмитаси ҳамда “Камолот” ёшлар ижтимоий ҳаракати Бошланғич ташкилоти ҳамкорлигида ташкил этилган тадбир кўҳна Самарқандда бўлиб ўтди.

Ўтган ҳафта пойтахтимиздаги Миллий матбуот марказида “Ўзбекистон темир йўллари” давлат акциядорлик компаниясининг жорий йил биринчи чорагига бағишланган матбуот анжумани бўлиб ўтди. Компания бошқаруви аъзолари, бошқарма бошлиқлари, мутасадди ташкилот раҳбарлари иштирок этган анжуманда соҳада эришилган кўрсаткичлар таҳлил қилинди.

Ҳар йилнинг 28 апрелида бутун дунё миқёсида халқаро меҳнатни мухофаза қилиш куни кенг нишонланади. Бу йилги чора-тадбирлар дастури Халқаро меҳнат ташкилотининг ташаббуси билан “Менинг ҳаётим. Менинг ишим. Менинг хавфсиз меҳнатим” шиори остида ташкил этилмоқда. Мазкур ташкилот томонидан эълон қилинган рақамларга асосан, ҳар йили ишлаб чиқаришда кузатиладиган бахтсиз ҳодисалар ва касб касалликлари туфайли ер юзида 2 миллион (бу ҳар куни олти мингдан зиёд киши деганидир) киши ҳалок бўлади. Шу билан бирга бу кўрсаткичнинг ўсиш суръати йилдан йилга 10% га ошиб бормоқда. Бундан ташқари, 270 млн киши ишлаб чиқаришда қурбонларга айланишади. МДҲ давлатларида иш вақтида 600 мингдан зиёд бахтсиз ҳодисалар қайд этилади.

13 апрель куни “Ўзбекистон темир йўллари” ДАК бошқарувининг кенгайтирилган мажлиси бўлиб ўтди. Унда компания бошқаруви аъзолари, марказлар, бошқармалар, минтақавий темир йўл узеллари ҳамда жойлардаги саноат ва ишлаб чиқариш корхоналари раҳбарлари иштирок этди.

Юртимизда халқимизнинг азалий қадриятлари, бебаҳо анъаналари, юксак фазилатларини тараннум этувчи айёмлар кўп. Шулардан бири Наврўзи оламдир. Ушбу айём йилдан-йилга қадр топиб, меҳр-оқибат, яшариш-янгиланиш, гўзаллик ва нафосат байрами сифатида кўнгилларни нурафшон этиб келмоқда.